آندھراپردیش کے ایک ایسے علاقہ جہاں بس کی بھی سہولت نہیں وہاں چندرا بابو نائیڈو کیوں اےئر پورٹ تعمیر کرنے جا رہے ہیں۔ ؟

حیدرآباد ۔5اکٹوبر (اعتماد نیوز) ایک ایسا سوال آج ضلع وجئے نگرم کے ’’ بھوگا پورم ‘‘ سے ایک کسان گھر کی خاتون نے اپوزیشن لیڈر وائی ایس جگن موہن ریڈی سے کی ۔ جگن موہن ریڈی آج اس علاقہ میں اےئر پورٹ کی تعمیر کے لئے ریاستی حکومت کی جانب سے زبردستی اراضیات کے حصول کے خلاف احتجاج کرنے والے کسانوں سے ملاقات کر رہے ہیں۔ اس دوران انہوں نے اس علاقہ میں کسانوں سے بات چیت کی ۔ اس موقع پر ایک کسان گھر کی



خاتون نے جگن موہن ریڈی سے یہ سوال کرتے ہوئے کہا کہ وہ اس علاقہ میں اےئر پورٹ کی تعمیر کے خلاف ہیں۔ کیونکہ اس وقت اس علاقہ بھوگا پورم میں بس کی بھی سہولت نہیں ہے۔ ایسے میں اےئر پورٹ کی آخر ضرورت ہی کیوں ہے۔ ؟ خیال رہے چیف منسٹر آندھراپردیش چندرا بابو نائیڈو وجئیہ نگرم کے علاقہ بھوگا پورم میں اےئر پورٹ کی تعمیر کرنے جا رہے ہیں ۔ جسکے لئے ان پر الزام ہے کہ وہ زبردستی کسانوں سے اراضیات حاصل کرنے کی کوشش کر رہے ہیں۔